دبي، الإمارات العربية المتحدة (CNN)-- اهتمت العديد من صفحات المجموعات الخاصة على موقع "فيسبوك" للتواصل الاجتماعي، بالأحداث التي يشهدها الشارع المصري، حيث تجددت الاحتجاجات في ميدان التحرير، رفضاً للإعلان الدستوري الذي أصدره الرئيس محمد مرسي، أواخر الأسبوع الماضي، والذي أثار انتقادات واسعة لدى مختلف القوى السياسية والمدنية، بالإضافة إلى بعض القضايا الأخرى.

فعلى "الصفحة الرئيسية للرئيس مرسي"، برز تعليق لأحد روادها، يُدعى "أحمد سالم"، جاء فيه: "أنا مع الرئيس في الإعلان الدستوري، ولو تراجع عنه هأنزل اعتصم ضده، لأنه لو تراجع هيعملوا معاه كده في كل مرة ياخد فيها قرار.. بس أنا زي كل المصريين إللي عندهم شوية من الفهم، شايف إن أداء الحكومة ضعيف جداً، يصل لدرجة الفشل."

كما كتب "جمال عبد" معلقاً على خطاب مرسي وسط أنصاره من جماعة الإخوان المسلمين، أمام القصر الجمهوري، يقول: "يا ريس أرجوك غير المستشارين، بجد وكلمة حق، كان يجب إلقاء هذه الكلمة من ماسبيرو.. اعتمد على الكفاءة، وليس الثقة المفرطة، أوقعوك بأخطاء، وبالنهاية تنازلات تهز من شخصك.. مصري محب لك والخير للوطن."

وعلق "علي الدين الطحلاوي" على نفس الصفحة: "الرجاء من د. محمد مرسي، أو من أي من الأفراد المعنيين لديه، مراجعة ما عاهد عليه الله ثم الشعب، دائماً وأبداً، وفي كل قول أو فعل.. حتى يستمر نصر الله له... مع التمنيات له بالبطانة الصالحة، والخوف من الجليل، والعمل بالتنزيل، والاستعداد ليوم الرحيل.. أعانكم الله طالما أنتم في طاعته وخدمة عباده."

أما مجموعة "مصر الجميلة اللي زي القمر"، فقد أبرزت على صفحتها مجموعة من الشعارات المناهضة لمرسي، منها: "يسقط يسقط الإخوان.. يسقط يسقط كل جبان.. يسقط يسقط حكم المرشد.. يا إخوانجي اطلع بره.. مصر بلادي هتفضل حرة.. يا مرسي مفيش بديل.. الرحيل الرحيل."

ووجهت المجموعة رسالة إلى روادها، جاء فيها: "وأنت نازل ميدان التحرير النهاردة، وأنتي نازلة ميدان التحرير النهاردة، مهم نعرف موقفنا من الإعلان الدستوري، الذي أصدره الرئيس، ومهم كمان نفتكر الآتي:

- متشيلشي غير علم مصر.. لا أعلام أحزاب ولا حركات.

- أوعى تتكسف تهتف، لازم تهتف.. أنت بتهتف من أجل الوطن مش من أجل حد.

- هتلاقي ناس بتحاول تستفزك وتسألك أنت صوت لمين؟.. أعمل نفسك مش سامع، وكمل وسيبك منهم.

- متدخلشي الميدان بإيديك فاضية، خد حاجة واحدة معاك للمستشفى الميداني، وسلمها بنفسك، ولو حتى عصير.

- كل بنت في الميدان أختكم، واللي يحاول يتحرش بيها حتى بكلمة توقفوه، خلوا المتحرش هو إللي مرعوب من وجوده وسطكم.

- أغلب الناس في التحرير في الشارع بقالهم سنتين ضد الديكتاتورية والظلم، أنزل أنت كمان ضد الديكتاتورية وبس.

- الناس في التحرير كانوا علطول مبتسمين، خلّى الابتسامة متفارقشي وشك مهما حصل.

- أعرف أن الميدان مش حكر على حد، وإنك مواطن مصري نازل تعبر عن مطالبك، سواء أول مرة أو المليون.

- متعتمدشي على الاتصال سواء بالموبايل أو الانترنت، لأن الشبكة مع تجمهر الناس بتضعف، الأفضل أنه يكون فيه نقط للالتقاء متفق عليها.

- هتشوف مصر اللي نفسك تعيش فيها، ومفيش فرق بين مواطن وأخوه أو أخته."

وبعيداً عن أجواء ميدان التحرير، أبرزت مجموعة "قالوا علينا شباب فرافير واحنا اللي عملنا التغيير"، رسالة من إحدى أعضائها، تُدعى "دعاء بيان"، قالت فيها:

"نصيحة لكل بنت في اليومين دول، أنا النهاردة واحدة اتصلت بيه، وبتقولي إلحقيني، في الأول قولتلها مين، قالتلي أنا... وبعدين قولتلها طيب عايزة إيه، قالتلي حد يلحقني.. في حرامية خطفوني من البيت.. قولتلها طيب إنتي فين.. قالت في البلد.. قولتلها بلد إيه.. وبعديها مصممه تعرف أنا من فين.. وبتقولي أنا في مصر.

بصراحة، أنا كنت عارفة أنها لعبة من الحرامية اللي بيخطفوا البنات، فمهتمتش وقفلت السكة في وشها.. وبعدها هي مصممة تتصل بي.. قومت رديت تاني وقالتلي أنا عند مجمع التحرير، بعد ماقالتلى أنا في البلد.. روحت قولتلها فكك مني، وقفلت واتصلت بوالدتي ووالدي، وقلتلهم اللي حصل..

عرفت أنه مقلب من الحرامية، بيصطادوا البنات من الشغل ده، علشان يجيبوهم بريجليهم لحد عندهم، لو أى بنت وقعت في الموضوع ده، ولا تهتم وتقفل السكة في وشهم، أصل اللي قادرة أنها تتصل بأي رقم، ممكن تتصل بأي قسم شرطة يلحقوها.. أرجو البنات اللي قلبها رهيف، ويصعب عليها الحاجات دية، أنها ولا تهتم، ولا تعمل أي حاجة.. وشكراً."